潮人潮工

正式開工蔡瀚億

在職場工作，等待升職或者等有出頭之日，可能無日無知，有耐性都未必有得升有得紮職，講實力又要講運氣，而娛樂圈更是十個人之中先可能得一個人成功，成功百分比非常低。今期主角蔡瀚億（BabyJohn），一齣電影《狂舞派》就讓蜇伏多年的他，得以一償心願走入電影銀幕，正式在電影圈開工，且看他如何走過這條辛酸道！

扮o野上癮讀演藝

BabyJohn自小的夢想就是做電影演員，皆因兒時少出街，只能留在家中看電影玩角色扮演，「我係獨仔，無人陪我玩，咪自己扮電影人物，細個最鍾意睇未來戰士，咁咪著住條底褲扮阿諾舒華新力加咁出場。到中學就扮張家輝演?化骨龍。」

BabyJohn扮哩扮路之下，發現自己原來喜歡表演，於是中二時，BabyJohn就去玩聯校話劇活動，結果每年暑假都去參加，中四時更決定去讀戲劇，「諗過去澳洲讀，但人?十三歲已經要報名，唔能夠中途插班，咁剩番讀演藝學院同無線藝員訓練班，只有二揀一，最後決定揀讀有五年課程的演藝學院。」

多得阿S i r 支持

香港地要實踐理想，絕不容易，總要有人鼓勵才會作出重要決定。BabyJohn最要感謝中學的英文老師，「除?父母以外，佢係第一個人支持我去做演?長輩。有次學校畫劇表演，就請老師晚上?睇表演，咁?佢買?電影節戲飛，點知表演時佢現?身！」後來，BabyJohn知道老師在加拿大讀書時，都醉心戲劇工作，「有次上英文堂，佢要大家作故仔，點知我作?個劇本出?，佢直頭睇埋比埋評語。」

BabyJohn慶幸自己遇上好老師，讓他對日後的事業有所啟發，「唔會因為作故仔，變?寫劇本，就ban?我。我唔駛讀死書，可以係課堂上做自己喜歡?創作。」

在演藝學院的五年，BabyJohn最愛到圖書館看電影，而愈看就愈鍾意電影的拍攝模式，很想做電影演員，「未入演藝之前，認為自己要做明星，仲要係做實力派。」不過，BabyJohn入了學院後，情況不似預期，「自己好比心機做，但做極都做唔好，老師同我講呢樣唔得，個樣又唔得，有段時期好頹，直頭有放棄?念頭。後來，有個轉捩點，明白自己演戲時放錯焦點，太過自我，應該更加了解角色係乜，比觀眾感受角色，就係呢種角色與觀眾之間交流令我好想繼續演落去。」

BabyJohn笑言，讀演藝時，全副身家只得兩位數字，「試過無錢搭車，要問阿媽拎一百蚊增值，好在阿媽由我決定由演藝開始，到而家拍到第一齣電影都非常支持我，成日問返我夠唔夠錢用。」狂舞派上映之後，好評如潮，但BabyJohn等上四年才有這個黃金機會，有人問他會否後悔，他道：「讀?演藝5年，畢業之後再做?三年工作，前後有8年時間，其實已經比起好多演員幸運。」拍攝開始之前，BabyJohn已經得香港畫劇團的聘用，「知道呢齣戲會開拍後，其實係我主動打比導演，佢雖然話99%會搵我做呢個角色，但仲有1%唔肯定，但都要搏一鋪，即管冒險?，揀去拍電影。」

BabyJohn雖然熱愛劇場演出，但未來目標是把精力投放在電影工作，他坦言「畢業後，全職演或者freelance也好，我一直係舞台上演戲，台上我演過好多角色，並無白白浪費過時間。如果2009年我去演狂舞派，未必有足夠經驗或者構思去演繹出柒良。」今年8月BabyJohn完成了一齣無對白的舞台劇後，他知道自己將會投入電影圈工作，離開舞台。「無人話做演員，一定要做電影、電視或者舞台?，大家都係透過表演方式，?表達一?價值，只係方法唔同，而家?我就會以電影為先。」完成最後一場舞台劇後，BabyJohn就親吻了舞台地板，希望有一天自己會重回這個培育他成長的舞台。

發揮最高演技

BabyJohn接拍狂無派時，自言不計較片酬有多少，但最怕搞行政工作，「我花好多時間去揣摸角色，只要對方無呃我就可以，唔好要我搞太多行政工作，因為已經煩緊個角色點演，再無其他時間顧及其他事情，行政?咪鬼搞我！」而正式踏入電影圈後，要處理的行政工作變得更多，BabyJohn就找來經理人協助。

拍攝前期，BabyJohn最佩服導演黃修平的溝通同準備工夫，「大家都知部戲預算唔多，但導演夠膽投放好多時間去同演員溝通。我同佢開拍之前，經常互通電話，大家傾每一幕戲，個角色應該點做。等佢睇完人排舞之後，我就同佢慢慢試戲。」BabyJohn的專業態度遇上思想開放的導演，二人一拍即合，拍攝時如魚得水，「去到片場，大家最多都係問係咪咁演繹方式，試多幾個方式，就係咁簡單，唔會有咩問題。」所以BabyJohn非常感激黃修平讓他的演技得以發揮，將他的演出狀態維持在最高水準。

保持純真心態

家人支持讓BabyJohn可以放手一搏，但狂舞派之後，「老豆成日叫我搵份穩定工作，然後買番層樓。」BabyJohn笑謂：「呢一刻我都唔可以肯定自己已經穩定?，淨係希望自己做到六十、七十、八十歲，都仲可以保持一份純真心態去演戲。」

演藝學院老師跟他講過：「將自己變成一張白紙，夠晒純真，先至可以全心全意咁代入角色，擺脫一?無謂?自我睇法或者束縛。」BabeJohn銘記在心，希望自己能夠保持著這種心態至八十歲。正如有人問他，點解身份証上的英文名真的是寫著「BabyJohn」，皆因他以純粹的心態去看世界做演員，「而家我先剛剛開始電影工作，係個新人，仲有好多?等住我去學、去發掘！」

加強腦筋轉數

BabyJohn謂，投身電影業就要適應工作模式，最近他就要開始連踩三十多個小時，去拍攝兩齣電影，「好想拍唔同種類?電影，試做唔同?角色，之前拍狂舞派有兩個月時間比我去慢慢摸索，但而家就要一兩個星期就要搞掂個角色，時間好倉促。」慢工出細貨是BabyJohn的演戲宗旨，但是全身投入電影工作，就不能夠再「慢慢嗒」，「好似最新拍兩齣電影，都係唔同類型，一齣係恐怖戲另一齣係喜劇，個腦成日轉，轉到空白晒咁滯，而自己最驚係愈做愈退步，長時間工作下，一定要好努力咁保持最高狀態！」訪問時，BabyJohn眼神經常昅實地下，他笑言自己轉數不足，要找個方法來集中精神，果然夠專業！

結語：個個都係邊捱邊等機會

讀演藝時，BabyJohn謂連讀報紙時間都沒有，一個星期返學是朝八晚十一，如是者五年，「完全無時間去感受世界，更唔好話有時間去做兼職。畢業之後，除非做個全職演員，否則都是去做freelance，朝早練戲，下午去教班，晚上去表演，但無可能日日咁穩定，身家得兩位數字絕對唔出奇。」BabyJohn認為好多地方從事演藝工作者，工作同生活模式都差不多，「好似百老匯的演員，等緊機會個陣，咪係餐廳侍應！」BabyJohn終於正式走入電影圈，將有著更多的演出機會，日後成功與否，就只得靠他個人的努力。